Náttúrulegt forðabúr – heimkynni Klausturbleikjunnar

Kirkjubæjarklaustur er rómað fyrir náttúrufegurð og milt veðurfar. Þaðan er stutt í helstu náttúruperlur Íslands eins og Lakagíga, Eldgjá og Skaftafell. Eldisstöðin er í einum af gömlu farvegum Hverfisfljóts en undan hrauninu kemur tært lindarvatn þar sem hluti Hverfisfljóts síast í gegn. Í vinnslunni er lögð megináhersla á hreinlæti og vandað handverk en engar vélar eru notaðar við vinnsluna.

 „Hráefni sem á sér engan líka,“ segir Ægir Friðriksson

Ægir Friðriksson er margverðlaunaður matreiðslumeistari, bæði innanlands og utan. Hann lærði á Hótel Sögu og starfaði þar að loknu námi og síðan á Picnic & Restaurante ME í Barcelona. Hann hefur einnig starfað sem yfirmatreiðslumaður Satt Restaurant á Hótel Reykjavik Natura.

„Bleikjan er nýi laxinn í sushigerð ... “ segir Siggi San

Sigurður Karl Guðgeirsson, betur þekktur sem Siggi San, lærði matreiðslu í Perlunni og hefur starfað á bestu veitingastöðum Íslands og í Danmörku. Hann lærði til sushimeistara undir handleiðslu Isao Suzuki og síðan hefur hann sérhæft sig í sushi, kennt sushimatreiðslu og haldið ýmis námskeið í faginu. Siggi San er eigandi og yfirkokkur á SuZushi sem hefur verið valinn besti sushistaður Íslands þrjú ár í röð.

Heimasíða SuZushii