Klausturbleikja grafin í kryddi mjaðarins

Einstaklega ljúffengur réttur sem fljótlegt er að matreiða

Klausturbleikja grafin í kryddi mjaðarins og borin fram með rófunum hans Hannesar frá Stóru-Sandvík,
norðlensku skyri, stökku Mungátsbrauði og sölum frá Eyjólfi Friðgeirssyni.
Uppskriftin er fyrir 4 og miðað er við að þetta sé forréttur

Grafin bleikja

• 500 g bleikja
• 25 g sykur
• 40 g púðursykur
• 50 g salt
• 50 g mjaðjurt
• 50 g hvannarfræ
• 3 kanilstangir, grófmalaðar
• 5 einiber, grófmöluð

Bleikjan er verkuð, flökuð, beinhreinsuð og roðflett. Öllu kryddi er blandað saman í skál og stráð jafnt á báðar hliðar bleikjunnar og þetta látið standa í kæliskáp í 12 tíma fyrir framreiðslu. Þá er bleikjan skorin í hæfilega bita og skömmtuð á diska.

Skyrfroða

• 500 g bleikja
• 200 g hreint skyr að norðan
• 70 g sykur
• 0.5 dl mjólk
• 0.5 dl vatn

Öllu er blandað saman í skál og hrært vel saman. Því næst er öllu komið í rjómasprautu og gas sett í. Þetta er látið standa í 2 tíma áður en það borið fram. Einnig má sleppa því að setja þetta í rjómasprautu og gefa einfaldlega beint á diskinn sem sósu.

Stökkt-Mungátsbrauð

• 400 g hveiti
• 200 g hreint skyr að norðan
• 3 tsk. lyftiduft
• 1 tsk. salt
• 50 g sykur
• 1 flaska af Mungátsmiðinum góða
• 150 g bráðið smjör

Hveiti, salti, lyftidufti og sykri er blandað saman og síðan sigtað. Bjórnum ( Mungátsmjöður) er þá hrært út í þar til þetta verður að flottri mjúkri og kekkjalausri blöndu. Þá er þessu hellt í vel smurð teflon- eða sílíkonform og bræddu smjörinu helt yfir. Þetta er þá bakað í forhituðum ofninum við 180 gráður í ca 15 mínutur eða þar til þetta er orðið gyllt og flott. Brauðið er látið kólna og svo er það rifið niður og í litla bita og bakað enn lengur í ofninum uns það er nokkuð stökkt að utan en ögn mjúkt við miðju.

Hrá-kryddlegnarrófur

• 100 g rófur
• 15 g repjuolía
• graslaukur, smátt saxaður
• 1 tsk. sítrónusafi
• salt og pipar

Rófurnar eru skornar eins þunnt og hægt er, því næst er þeim velt upp úr restinni af hráefninu og settar fallega á við og dreif um diskinn.

Rófumauk

• 1 rófa
• 100 g smjör
• örlítið gróft salt
• örlítill sítrónusafi

Setjið rófuna ofan á gróft saltið og bakið í ofni uns hún er algerlega orðin meyr (ath. þetta getur tekið ansi langan tíma). Því næst er hún skorin í tvent og allt er tekið innan úr henni og það sett í blandara og maukað með smjöri. Bragðbætt með smá salti og nokkrum dropum af sítrónusafa.

Silungahrong

• 60 g silungahrogn
• smá repjuolía
• örlítill sítrónusafi

Öllu blandað mjög varlega saman rétt áður en það er borið fram og sett fallega á diskinn.

Dillolía

Setjið dillið í blandara ásamt olíunni og látið vinna lengi uns olían er orðin fagurgræn. Sigtið og kælið.

DILLGREINAR TIL BRAGÐ- OG AGNAYNDIS

Takið nokkrar smáar dillgreinar og veltið létt upp úr örlítilli repjuolíu og nokkrum dropum af sítrónusafa og salti. Komið þeim svo fyrir á diskinum.